.... तर संयुक्त पूर्व परीक्षा 2020 Fail होणाऱ्यांना होऊ शकतो खूप जास्त फायदा...!!!

💠.... तर संयुक्त पूर्व परीक्षा 2020 Fail होणाऱ्यांना होऊ शकतो खूप जास्त फायदा...!!!

या पोस्ट मध्ये मी कोणालाही Negative अथवा Positive करण्याचा प्रयत्न करत नाहीये असाही माझा Positive/Negative या पेक्षा Practical गोष्टींवर जास्त विश्वास आहे.येथे मी केवळ एक ANALYSIS मांडण्याचा प्रयत्न करत आहे.

तर...झालेल्या संयुक्त पूर्व परीक्षेचा निकाल या महिना अखेर पर्यंत लागू शकतो कदाचित लवकरही...निकाल लागेपर्यंत 30 मार्क्स असो वा 60 मार्क्स असो सर्वांनी मराठी इंग्लिश चा अभ्यास केला पाहिजे,यात काही वेगळं सांगण्याची गरज नाही.

Result लागल्यानंतर पास होणाऱ्या विद्यार्थांची संख्या 12000 पर्यंत असू शकेल.हे पास झालेले विद्यार्थी डिसेंबर/जानेवारी पर्यंत मुख्य परीक्षेचा अभ्यास करतील mostly मराठी/इंग्लिश/कायदे जे की संयुक्त पूर्व परीक्षेला नाहीत...!!! आयोगाच्या म्हणण्याप्रमाणे जर 2021/2022 च्या दोन वेगळ्या परीक्षा घ्यायच्या असतील तर एक परीक्षा लवकर घ्यावी लागेल आणि दुसरी नेहमीप्रमाणे. त्यामुळे समजा 2021 चा संयुक्त पूर्व परीक्षा पेपर जानेवारी/फेब्रुवारी मध्ये झाला तर जे विद्यार्थी 2020 च्या मुख्य ची तयारी करत आहेत त्यांना पुन्हा 2021 च्या पूर्व चा अभ्यास करण्यास किती वेळ मिळेल....???आणि हे सर्व विद्यार्थी मुख्य दिलेले म्हणजे serious असणारे विद्यार्थी आहेत...!!!..थोडक्यात सांगायचे झाल्यास संयुक्त पूर्व 2021 चा Cutoff नेहमीपेक्षा कमी लागेल, जर 2 परीक्षा वेगळ्या झाल्या तर...आणि याचा फायदा जे विद्यार्थी 2020 ची परीक्षा Fail होतील त्यांना होऊ शकतो कारण त्यांना पूर्व चा अभ्यास करण्यास किमान 3 ते 4 महिन्याचा अवधी मिळेल व ज्यांनी मुख्य दिली आहे त्यांना एक ते दीड महिना..!!!

त्यामुळे ज्यांना 2020 च्या संयुक्त पूर्व परीक्षेत एकाही पोस्ट ची प्री पास करता येणार नाही, त्यांनी संधीचा योग्य फायदा घेतल्यास 2021 मधील तीनही पोस्ट च्या प्री पास करता येतील तेही नेहमी लागणाऱ्या cutoff पेक्षा कमी मार्क्स मध्ये...!!!! धन्यवाद 🙏

✍ Er SurajDeokar

What is self belief ?

 

💠 What is self belief ?

सध्या चालू असलेल्या IPL 2021 च्या हंगामात कालच CSK ची टीम Playoff साठी Qualify होणारी प्रथम टीम ठरली...

या अनुषंगाने थोडा मागील गोष्टींचा आढावा घेऊयात..

IPL 2020 मध्ये म्हणजे मागील हंगामात CSK टीम तळातून दुसऱ्या क्रमांकावर होती त्यावेळी या टीम वर खूप दिग्गज मंडळींनी टीका केली विशेषतः धोनी वर...

त्यानंतर यावर्षीची IPL स्पर्धा घोषित झाली आणि Predictor स्वतःचे prediction करू लागले,कोणत्याही Predictor ने यावर्षी ही टीम Playoff साठी Qualify होईल असा विश्वास दाखविला नाही उलट टीम चा रँक हा गेल्यावेळी प्रमाणे तळातच राहील असेही सांगितले...(वरील फोटो मध्ये पाहू शकता).

....आणि आज टीम ही टॉप रँक वर सर्वात आधी Qualify झाली आहे..विशेष म्हणजे गेल्यावेळी तळाला असताना जे players टीम मध्ये होते 90% तेच player आजच्या टीम मध्येही आहेत..तर हे शक्य झाले कसे...?

स्वतःवरील विश्वास आणि योग्य मानसिकता...!!!

स्पर्धापरीक्षा करणाऱ्या विद्यार्थ्यांना या गोष्टीतून बरेच काही शिकण्यासारखे आहे.प्रत्येकाचा भूतकाळ हा बऱ्यापैकी अपयशाने भरलेलाच असतो.लोकही आपल्याकडे त्याच दृष्टिकोनातून पाहत असतात आणि आपले भविष्य काय असू शकते याबाबत अंदाज बांधत असतात.लोक काय म्हणतात ही गोष्ट आपण स्वतःवरील विश्वास ढळू न देता आपल्या मानसिक पातळीवर कशाप्रकारे हाताळतो आणि आपले काम करत राहतो यामध्येच आपले भविष्यातील यश अपयश अवलंबून असते.

शेवटी धोनी म्हणतो त्याप्रमाणे "Take a one match at a time".... एका वेळी एकाच मॅच चा विचार करा...

अभ्यास करतानाही एका वेळी जो विषय समोर असेल त्याचाच विचार करावा, न की पास/ नापास/भूत/भविष्य यांसारख्या इतर गोष्टींचा....!!! धन्यवाद 🙏

✍ Er SurajDeokar

संयुक्त पूर्व परीक्षा 2020 PDF 4 सराव पेपर्स NEW (MAY 2021) Set By SurajDeokar Sir.

Mpsc करू इच्छिणाऱ्या नवीन मुलांसाठी काही सल्ले : भाग 1

💠Mpsc करू इच्छिणाऱ्या नवीन मुलांसाठी काही सल्ले : भाग 1

✍ सुरज देवकर

1) Graduation नंतर postgraduation ला admission घेऊन ठेवावे.(External असेल तरी चालेल).

2)अभ्यासाला किमान शेवटच्या वर्षापासून सुरुवात करावी.आधी केल्यास उत्तमच.

3)पुस्तके घेण्याची अथवा अभ्यासाची खूप घाई करू नये. आधी Mpsc म्हणजे काय हे नीट समजून घ्यावे.

4)सुरवातीच्या किमान 6 महिने ज्या ठिकाणी जास्त मुले mpsc करतात त्या ठिकाणी राहावे.जास्तीत जास्त Seniour मुलांच्या संपर्कात राहावे.

5)भूगोल,इतिहास,विज्ञान या विषयांची सुरवातीला Reference बुक घेऊ नये नाहीतर शालेय पुस्तके दुर्लक्षित होतील.या  विषयांना सर्वात महत्वाची शालेय पुस्तकेच आहेत.

6)वाचताना राज्यघटना विषयाची कोणतीही कलमे लक्षात ठेवण्याचा प्रयत्न करू नये.नाहीतर सतत लक्ष विचलित होत राहील.जश्या तुमच्या Revision वाढत जातील तशी कलमे आपोआप लक्षात राहतील. कलमांवर जास्तीत जास्त 2 प्रश्न पडतील तेही पडले तर त्यामुळे याचा जास्त टेन्शन घेऊ नये.

7)अर्थशास्त्र विषयाच्या जास्त खोलात जाण्याचा प्रयत्न करू नये नाहीतर नेहमी confusion होत राहील.जेवढ परीक्षेला आवश्यक आहे तेवढच करावे.

8)अंकगणित/बुद्धिमत्ता या विषयासाठी IBPS/SSC exam साठी असणारे class लावावेत.

9)तुम्ही या क्षेत्रात ज्यांना follow करणार आहात त्यांची संख्या अगदी मोजकी असावी.

10)सुरवातीला आज मी किती वेळ अभ्यास केला यापेक्षा आज मला किती टॉपिक समजले यावर भर द्या.

11)किमान 2 reading झाल्याशिवाय नोट्स काढू नका.

12)तुम्ही अभ्यासातील 40% वेळ हा मागील प्रश्नपत्रिका Analysis करण्यासाठी द्यायला हवा.

13) मला पहिल्याच प्रयत्नात परीक्षा पास होयचीच आहे असे सतत म्हणून स्वतःवर Pressure create करून घेऊ नका.Relax मध्ये अभ्यास करा.

14) सुरवातीच्या 6 महिने केवळ जास्त अभ्यासाची गरज आहे.त्यानंतर जॉब करत अभ्यास केला तरी चालेल.

15)सर्वात महत्वाचे,आपण कोणत्या परीक्षेचा अभ्यास करत आहात यापेक्षा आपण कोणत्या पोस्ट चा अभ्यास करत आहात हे स्वतः ला अगदी पक्के माहित असणे गरजेचे आहे.

भेटुयात भाग 2 मध्ये......

✍ सुरज देवकर 

नोव्हेंबर : महिना Mpsc च्या Planning चा....!!!

💠नोव्हेंबर : महिना Mpsc च्या Planning चा....!!

✍ Suraj Deokar

दरवर्षी सहसा नोव्हेंबर महिन्यापर्यंत Mpsc च्या मुख्य परीक्षा संपतात आणि पुन्हा Planning सुरू होते पुढील वर्षीच्या तयारीचे....

एप्रिल मे मध्ये होणाऱ्या पूर्व परीक्षेला अंदाजे 3 लाख विद्यार्थी बसतात.त्यामधून Vacancy च्या 15 ते 16 पट विद्यार्थी मुख्य परीक्षेला घेतले जातात.म्हणजे जर राज्यसेवा/Combine च्या 100 जागा निघाल्या तर कितीही विद्यार्थ्यांनी फॉर्म भरले असतील तरी त्यातील 1500 ते 1600 विद्यार्थीच मुख्य परीक्षेला पात्र ठरतात.जे मुख्य परीक्षेला पात्र ठरतात ते जोमाने मुख्य च्या तयारीला लागतात आणि जे पूर्व परीक्षा पास होऊ शकले नाहीत ते सहसा ज्या कोणत्या परीक्षा समोर असतील (banking/railway/ssc/महापरिक्षा) त्यांचा अभ्यास करतात...

ऑक्टोबर नोव्हेंबर महिन्यात सहसा Mpsc च्या मुख्य परीक्षा संपतात.जरी मुख्य परीक्षा दिली असेल तरी Mpsc मध्ये Result लागेपर्यंत यशाची हमी देता येत नसल्याने पुन्हा पुढील वर्षीच्या तयारीला लागावे लागते...त्यामुळे हे मुख्य परीक्षा दिलेले विद्यार्थी याच महिन्यात पुन्हा पुढील वर्षीचे Planning करू लागतात.तसेच जे विद्यार्थी पूर्व परीक्षा पास होऊ शकले नव्हते आणि मधल्या काळात बाकीच्या परीक्षा देत होते ते December मध्ये पुढील वर्षीच्या परीक्षांचे Timetable येत असल्याने नोव्हेंबर महिन्यातच पुन्हा पुढील वर्षाचे Planning आखु लागतात.जरी नवीन वर्ष जानेवारीत चालू होत असेल तरी Mpsc चे नवीन वर्ष नोव्हेंबर मध्येच चालू होते अस म्हणता येईल...म्हणजेच आता आपले नविन वर्ष सुरू झाले आहे आपल्यासाठी Mpsc चे 2020 हे वर्ष संपले आहे आणि नवीन 2021 वर्ष सुरू झाले आहे त्यामुळे मागील वर्षीचा विचार न करता पुन्हा सर्व गोष्टींची नव्याने मांडणी करा,आपल्याला कोणती पोस्ट मिळवायची आहे, त्यासाठी कोणते साहित्य लागेल,अभ्यास कसा करावा लागेल, कोणाच मार्गदर्शन घ्याव,मानसिकता कशी ठेवावी लागेल यासर्व गोष्टी याच महिन्यात clear करा म्हणजे एकदा पुन्हा अभ्यासाला सुरुवात केली की या गोष्टी मध्ये नाही येणार...

लॉकडाऊन मध्ये बाकी मुलांचा माझ्यापेक्षा जास्त अभ्यास झाला असेल  याच टेन्शन घेऊ नका..कारण Mpsc मध्ये किती अभ्यास करता यापेक्षा काय आणि कसा अभ्यास करता याला जास्त महत्त्व आहे.केवळ जास्त अभ्यासानेच पास होता आल असत तर First attempt मध्ये कोणी पासच झाल नसत...

जर मी परीक्षा पास नाही झालो तर काय करायचं याचही planning केलेल असाव म्हणजे पुन्हा दुःखामध्ये 2 महिने वाया जाणार नाहीत.

पेपर झाले नाहीत याचं वाईट वाटून घेऊ नका कारण जर या काळात पेपर झाले असते तर कदाचित lockdown मुळे अभ्यासात खंड पडलेल्या खूप मुलांची एवढी मोठी ad हातातून गेली असती.

आता सर्वांच्या आवडीचा प्रश्न म्हणजे पेपर कधी होणार ? कदाचित या प्रश्नाचं उत्तर या वेळी तुम्हाला आयोगही नाही देऊ शकणार...

एक मात्र नक्की की पेपर हे होणारच तेही एप्रिल - मे अथवा त्याआधी...!!! धन्यवाद🙏

" सर्वांना दीपावलीच्या खूप शुभेच्छा "

✍ सुरज देवकर

यावर्षी (Nov/Dec) MPSC चे पेपर होण्याची शक्यता उरली आहे का...?

💠 यावर्षी (Nov/Dec) MPSC चे पेपर होण्याची शक्यता उरली आहे का...?

✍ सुरज देवकर

मुख्यमंत्र्यांनी  पेपर  पुन्हा एकदा पुढे ढकलताना मुलांना अभ्यासासाठी कमी वेळ मिळाला आणि कोरोना ही दोन कारणे सांगितली.परंतु मुख्य कारण सर्वांनाच माहीत आहे ते म्हणजे आरक्षण.आरक्षण या मुद्द्यामुळे पेपर पुढे ढकलण्यात आले ही वस्तुस्थिती आहे.तर आरक्षणाची सुनावणी सर्वोच्च न्यायालयाने  4 आठवडे पुढे ढकलली आहे.म्हणजेच नोव्हेंबर च्या शेवटच्या आठवड्यात पुन्हा सुनावणी होईल.आणि आरक्षणामुळे पेपर पुढे ढकलले आहेत तर आयोगाला निकाल लागेपर्यंत थांबावे लागेल.मग पुढील सुनावणीला निकाल लागेल का ?..पुढील सुनावणी ही खरे पाहता पहिलीच सुनावणी असणार आहे कारण मागील सुनावणीला राज्य सरकारचे वकील अनुपस्थित होते.त्यामुळे सुनावणी झालीच नाही.आरक्षणासारखे मुद्दे एकाच सुनावणीत निकालात निघतील याची शक्यता किती  आहे हे सर्वानाच माहीत आहे.आपल्या परीक्षेच्या दृष्टीकोनातून विचार केल्यास नोव्हेंबर मधील सुनावणी जर पुन्हा एकदा पुढे ढकलली तर ती डिसेंबर मधे घ्यावी लागेल आणि डिसेंबर मध्ये समजा आरक्षणाचा निकाल लागला आणि पेपर घेण्याचा मार्ग मोकळा झाला तर पेपर कमीत कमी डिसेंबर end ला ला घ्यावे लागतील आणि मुख्य परीक्षा मार्च एप्रिल ला घ्यावी लागेल.असे झाले तर मग 2021 च्या पूर्व परीक्षा घेणार कधी ? ज्या की दरवर्षी एप्रिल मे मध्ये होतात... Practically पाहता यावर्षीची परीक्षा डिसेंबर मध्ये चालू करून पुन्हा पुढील वर्षाची परीक्षा एप्रिल मध्ये चालू करणे याची शक्यता कमी वाटत आहे...वरील गोष्टींना अनुसरून माझी काही मते सांगत आहे ही माझी वैयक्तिक मते आहेत.

👉काही रिक्त पदे add करून 2020 ची Ad हीच 2021 ची Ad म्हणून परीक्षा घेतली जाऊ शकते.

👉नुकतेच Graduation झालेल्या विद्यार्थ्यांना 2021 चा फॉर्म भरण्याची संधी दिली जाऊ शकते.

👉पेपर फेब्रुवारी अथवा एप्रिल ला होऊ शकतात.

👉मुख्य परीक्षेला नेहमीप्रमाणे पुरेसा वेळ दिला जाऊ शकतो.

👉वर्ग ३ तसेच वनसेवा यांच्या परीक्षा ही 2021 मध्ये घेतल्या जाऊ शकतात.पदे कमी काढतील परंतु पेपर नक्कीच घेतील.

👉आरक्षणाच्या मुद्द्यावर जरी न्यायालयात निर्णय लवकर नाही होऊ शकला तरी त्यावर नक्कीच तोडगा काढला जाईल आणि परीक्षेचा मार्ग मोकळा होईल.

👉2021 मध्ये परीक्षा होणार हे मात्र 100% खरे.

👉 समजा वरील सर्व गोष्टी खोट्या ठरवत आयोगाने याच वर्षी पेपर घेतले तर माझ्या मते किमान December च्या शेवटच्या आठवड्या आधी पेपर घेण्याची शक्यता कमी आहे.त्यानंतर  पेपर घेतले तर ते केवळ रविवारीच होतील या भ्रमात राहू नका. कोणत्याही दिवशी घेऊ शकतात.

👉एवढ सांगण्याचा कारण हेच की आपल्याकडे किती वेळ आहे याप्रमाणे आपल्या अभ्यासाचा नियोजन करावे.

👉प्रत्येकाची जशी काही Prediction असतात तसेच माझेही आहे.यात कोणालाही Demotivate करण्याचा उद्देश नाहीये केवळ अभ्यासाला एक दिशा मिळावी हाच उद्देश आहे.कदाचित वरील सर्व Prediction खोटीही ठरू शकतात कारण शेवटी परिस्थितीनुसार  काय निर्णय घ्यायचा ते आयोग आणि सरकार घेणार आहे.

👉प्रत्येकाला परीक्षा कधी होतील हे गृहीत धरूनच अभ्यास करावा लागेल अन्यथा अभ्यासाला दिशा मिळणार नाही.

👉शेवटी पुन्हा एकदा सांगत आहे आरक्षणाचा निकाल जरी प्रलंबित राहिला तरी त्यावर काहीतरी तोडगा काढून परीक्षा या 100% होतीलच.

(वरील सर्व मते ही माझी वैयक्तिक मते आहेत.याला कोणतीही अफवा अथवा अधिकृत समजू नये.खूप विद्यार्थी याबाबत विचारात असल्याने केवळ एक Prediction केले आहे)

✍सुरज देवकर 

MPSC चे सराव पेपर घेताना कोणत्या गोष्टी पाहायला हव्या ?

💠 MPSC चे सराव पेपर घेताना कोणत्या गोष्टी पाहायला हव्या ?

✍सुरज देवकर

या लेखामध्ये संयुक्त पूर्व परीक्षेसाठी सराव पेपर घेताना कोणत्या गोष्टी पाहायला हव्या हे पाहू.

मागील पेपर चे Analysis केले असता आयोगाच्या पेपर मध्ये खालील गोष्टी दिसून येतात.

👉 कोणताही सेट असेल (A,B,C,D) तरी प्रश्नांचा क्रम असाच पाहायला मिळतो.चालू घडामोडी(1-15),राज्यघटना(16-25),

इतिहास(26-40),भूगोल(41-55),

अर्थशास्त्र(56-70), विज्ञान (71-85),अंकगणित/बुद्धिमत्ता(86-100)

👉राज्यघटना विषयाचे 10 प्रश्न आणि बाकी विषयांचे 15 प्रश्न.

👉प्रश्न जरी मराठीत असेल तरी उत्तराचे पर्याय अ, ब, क, ड असे नसून ते a,b,c,d असे असतात.

👉भूगोल विषयाचे जास्त प्रश्न सोपे,इतिहास आणि विज्ञानाचे अवघड.

👉राज्यघटनेचे प्रश्न सोपे परंतु Multiple option असणारे वेळखाऊ.

👉इतिहासाचे प्रश्न one-liner.

👉Physics,chemistry पेक्षा Biology वर जास्त प्रश्न.

👉अर्थशास्त्र Medium level जास्त प्रश्न.

👉चालू घडामोडी जास्त प्रश्न medium level आणि one-liner.

👉 अर्थशास्त्र मध्ये एक ते दोन प्रश्न योजनांवर आधारित.(देसले पार्ट 2 मधील)

👉अंकगणित/बुद्धिमत्ता वेळखाऊ प्रश्न विचारण्याचे प्रमाण वाढलेले दिसून येते.परंतु प्रश्न सोपे.

👉Biology चे बऱ्यापैकी प्रश्न वाचनात न आलेल्या टॉपिक वरील.

तर सराव पेपर घेताना वरील किती गोष्टी त्यात Follow केलेल्या दिसतात त्यानुसार पेपर घ्यावेत.उगी फ्री मध्ये मिळतायत म्हणून कोणतेही पेपर घेऊन स्वतःचा वेळ आणि आत्मविश्वास घालवू नये.आयोग पेपर सर्व गोष्टींचा विचार करून सेट करत असते जसे की इतिहास,विज्ञान वरील प्रश्न अवघड काढत असेल तर पेपर maintain करण्यासाठी भूगोल,राज्यघटना वरील प्रश्न सोपे काढते जेणेकरून मेरिट हे एका ठराविक limit मध्ये लागेल,जास्त ही नाही आणि कमी ही नाही. एका क्लास चे 2 पेपर सोडवून त्या दोन्ही मधील मार्क्स मध्ये खूप जास्त फरक दिसत असेल तर समजावे आपण चुकीचे पेपर सोडवत आहोत...

मी स्वतः काही पेपर वरील सांगितल्याप्रमाणे आयोगाच्या धर्तीवर सेट करण्याचा प्रयत्न केला आहे.पेपर साठी खूप जास्त मेहनत लागल्याने पेपर मोफत देता येऊ शकत नाहीत तरीही किंमत जास्तीत जास्त मुले घेऊ शकतील अशीच ठेवली आहे.दुसऱ्या क्लास चे पेपर मोफत मिळत असल्यास जरूर घ्यावे काही हरकत नाही परंतु वर सांगितलेल्या गोष्टी तपासून पहाव्यात.पुढील लेखात राज्यसेवा विषयी पाहू.धन्यवाद🙏

👉पेपर PDF  खालील लिंक वरून Download करू शकता..⬇️⬇️